يا عم فوت وعديها.. ما دقش...!!!
ياجماعه الاغانى حرام وسيبك من عمرو دياب وحماقي
مفيش احسن من كتاب الله الابذكر الله تطمئن القلوب
شويه نلاقي اللي بيكلمنا وهو قاعد زهقان بعد ما يستمع لسوره البقره اتوماتك قام مشغل هيفاء وهبي
ولما تساله يقولك
يا عم ما تبقاش حمبلي... ما دقش نغير جو
الرشوه حرام ياجماعه ومحدش يهوب جمبها
دى بتشجع على الفساد واجهاض حقوق الاخرين
الا ممكن اسالكم سؤال
محدش يعرف حد في المرور ياخد قرشين ويخلص المصلحه..؟؟
انت مش قلت ان الرشوه حرام
يرد ويقوللك يا عم ما دقش وومشي حاللك حاللك يمشي
ناس تانى تقوللك الا الواسطه
انا اكرها كره العمى لانها بضيع تكافئ الفرص
وانا نازل بكره التحرير عشان ارسخ المبدا ده
بس قبل ما اروح ما عندكش حد معرفه
اصل عايز اطلع بطاقه ومش فاضي ااقف طابور طويل عريض
ياعم انت مش لسه قايل انك بتكره الوساطه
يرد ويقوللك...يا عم مادقش ... خلص نفسك
تلاقي ناس ملتزمه جدا
وايه في الادب والاحترام
تبص للرايحه واللي جايه وتقول
لا حول ولا قوه الا بالله
شوفوا المتبرجه دي
حاطه احمر واخضر ومفيش اي حياء خالص
تانى يوم يكون عندها فرح او مناسبه سعيده
تلاقي الوان قوس قزح
ولما تيجى تكلمها تقوللك
يا عم ما دقش دا هو كله يوم..فرفش فرفش
الكل يعلم ان اعياد الميلاد حرام
لانه لا اعياد سوى العيدين الفطر المبارك والاضحى
الا اننا بمجرد ما نعلم انه يوم مولده
جري نقوله كل سنه وانت طيب
يا اما يزعل وتبقا وقعتك هباب
طبعا انا عايز منكم حاجه قبل ما نستعجل ونرد وننقض الناس دي
دي صور موجوده كتير بنا
يمكن انا اكون واحد منها ويمكن تكون انت او هى
الانسان مش معصوم من الخطئ
وبيغلط وهيغلط
لكن المهم انه يحاول يصحح غلطته
من خلال نفسه اولا
وبدعاء صحبه صالحه زيكم
فعلينا جميعا ان ندعو لانفسنا اولا وندعو لباقي اخواننا واخواتنا
فقليل من لم ينطق بكلمه ما دقش
وان لم ينطقها فعل بمعناها
قبل ما ترد واجه نفسك
واوجه الكلام ده ليه قبل ما انصح بيه اي حد
نسال الله ان يغفر لنا ذنوبنا ويرحمنا
وان يثبتنا على دينه
المشاركات
التقييم
sms:
مركـــز رفــع الصــور
أفضل اعضاء اليوم
قوانين المنتدى
